یہ تمام تعمیراتی منصوبے خطیر مالی وسائل چاہتے ہیں اور جامعہ دارالعلوم نصیریہ غورغشتی کے رواں اخراجات اس کے علاوہ ہیں  اور  حکومت سے کوئی امداد طلب کرنا ادارے کے بنیادی اصولوں کے خلاف ہے۔

لیکن اللہ تعالی کا معاملہ جامعہ کے ساتھ ہمیشہ یہ رہا ہے کہ جب کوئی اہم ضرورت پیش آتی ہے، اللہ تعالی غیب سے اس کی تکمیل کا انتظام اس طرح فرمادیتے ہیں کہ اللہ کے کچھ نیک بندوں کے دل میں اس ضرورت کا احساس ڈال دیتے ہیں اور وہ اپنی آخرت کی بہبود کی خاطر از خود جامعہ دارالعلوم نصیریہ غورغشتی کو اپنی زکوٰۃ، صدقات اور عطیات دے دیتے ہیں۔ہر مد کی رقم کو خاص اسی کے شرعی مصرف میں خرچ کرنے کا خصوصی اہتمام کیا جاتا ہے۔ جامعہ دارالعلوم نصیریہ اپنے تمام معاونین کے چندوں کی، خواہ وہ ایک روپیہ ہی کیوں نہ ہو، تہ دل سے قدر کرتا ہے، کیونکہ ان کا منشاء نام و نمود کے بجائے  خالص رضائے الٰہی کا حصول ہوتا ہے اور مخلص مسلمانوں کا تھوڑا تھوڑا چندہ ہی بڑی خیر و برکت کا باعث ہوتا ہے۔

اللہ تعالی کی اس سنت پر بھروسہ کرتے ہوئے اسی کی رحمت سے امید ہے کہ ان شاء اللہ مستقبل کے یہ منصوبے بھی اگر اللہ تعالی کی رضا کے مطابق ہوئے تو اپنے اپنے وقت پر اسی غیبی نصرت کےذریعے انجام پا جائیں گے۔