جامعہ کے تمام عطیات ،خواہ وہ نقد رقم کی صورت میں ہوں یا اجناس و سامان کی شکل میں یا وقف اراضی و جائیداد منقولہ و غیر منقولہ کی شکل میں ، سب کے سب صدر جامعہ کے دستخط سے جامعہ کے لئے موصول کئے جائیں گے ۔اسی طرح  صدر کو اختیار حاصل ہوگا  کہ وہ جامعہ کے جملہ اندرونی و بیرونی انتظامی امور سے متعلق کے ایم سی ، کے ڈی اے، عدالت ہائے فوجداری و دیوانی و ہائی کورٹ ، سپریم کورٹ ، محکمہ جات  مال ، انکم ٹیکس، مختار کار ،رجسڑار اور دیگر ہر قسم کے تمام دفاتر ،سرکاری و غیر سرکاری میں  خود حاضر ہو کر یا کسی وکیل و ایڈوکیٹ یا کارندہ  جامعہ کے ذریعے متعلقہ امور جامعہ  انجام دے ، جامعہ کی طرف سے ان کی کرے ، اور جامعہ کی تمام موقوفہ جائیداد کی لیز اور ٹیکس وغیرہ کے امور پر بحیثیت متولی یا بحیثیت منتظم جامعہ  دستخط کرے اور اگر کبھی  جامعہ کی موقوفہ یا غیر موقوفہ جائیداد کو شرعی حدود میں رہتے ہوئے اور مجلس منتظمہ کی اجازت کے مطابق فروخت کرنا پڑےتو اس جائیداد کو فرخت کرنے اور اس کی  جملہ کاروائی انجام دینے اور اس کی قیمت بحق جامعہ وصول کرنے کا مجاز ہوگا ۔ اسی طرح صدر جامعہ کو مجلس منتظمہ کی منظوری سے جامعہ کے مفاد میں کوئی بھی جائیداد خریدنے اور اس خریداری سے متعلق جملہ امور انجام دینے اور اس کی قیمت خزانہ جامعہ سے ادا کرنے کا  اختیار بھی حاصل ہوگا ۔