قرآن کریم دین اسلام کی بنیاد اور مسلمانوں کی زندگی کا راہنما ہے۔ جامعہ دارالعلوم نصیریہ غورغشتی میں شعبہ ناظرہ وحفظ قرآن کے تحت ناظرہ اور حفظ کی تعلیم اعلیٰ معیار کے ساتھ فراہم کی جاتی ہے۔ اس شعبہ کا مقصد طلباء کو قرآن مجید حفظ کرانا اور انہیں اسلامی تعلیمات کے مطابق زندگی گزارنے کی تربیت دینا ہے۔
شعبہ ناظرہ و حفظ قرآن میں طلباء کو پہلے ناظرہ قرآن کی تعلیم دی جاتی ہے، جس کے بعد حفظ قرآن کا باقاعدہ آغاز ہوتا ہے۔ تجربہ کار اساتذہ کرام طلباء کی رہنمائی کرتے ہیں اور انہیں ہر دن مخصوص حصے کا حفظ کرواتے ہیں۔ اس دوران طلباء کے تلفظ، تجوید، اور مخارج کی درستگی پر خصوصی توجہ دی جاتی ہے۔
بہترین اور تربیت یافتہ اساتذہ کرام
قرآن مجید ناظرہ اور حفظ کی معیاری تعلیم
جدید تدریسی طریقے اور وسائل کا استعمال
طلباء کی مکمل تربیت کے لیے مخصوص نصاب
اب تک جامعہ دارالعلوم نصیریہ غورغشتی سے سیکڑوں حفاظ کرام حفظ قرآن کی سعادت حاصل کرچکے ہیں۔ اس کے علاوہ، جامع مسجد کھجور والی میں بھی مکتبِ قرآنی قائم کیا گیا ہے، اور غورغشتی کے مختلف مقامات پر مزید مکاتب قرآنیہ قائم کرنے کا منصوبہ بھی زیرِ غور ہے۔
اس شعبہ میں داخلے کی مکمل معلومات اور شرائط “قواعدِ داخلہ” کے تحت ملاحظہ فرمائیں۔
جامعہ دارالعلوم نصیریہ غورغشتی کے شعبہ ناظرہ و حفظ قرآن میں داخلہ لے کر آپ یا آپ کے بچے قرآن مجید کو حفظ کرنے کی سعادت حاصل کر سکتے ہیں۔ یہاں ناظرہ اور حفظ قرآن کی اعلیٰ اور معیاری تعلیم فراہم کی جاتی ہے تاکہ طلباء قرآن مجید کو مکمل طور پر یاد کر سکیں۔
حفظ کا یہ سفر آپ کے لیے دنیا و آخرت میں برکت اور کامیابی کا ذریعہ بن سکتا ہے۔ داخلے کی تفصیلات جاننے کے لیے دیے گئے بٹن پر کلک کریں۔
جامعہ دارالعلوم نصیریہ غورغشتی میں اسلامی علوم کی تعلیم و تربیت کے لیے آپ کا تعاون بے حد ضروری ہے۔ آپ کے عطیات سے نہ صرف مستحق طلباء کی تعلیمی ضروریات پوری ہوتی ہیں بلکہ شعبہ ناظرہ و حفظ قرآن کے پروگرام کو مزید وسعت دینے میں بھی مدد ملتی ہے۔
اس وقت جامعہ دارالعلوم نصیریہ میں 500 سے زائد طلباء زیرِ تعلیم ہیں، جن میں سے بہت سے طلبہ کا قیام، طعام، کتب اور دیگر ضروریات ادارے کی طرف سے مفت فراہم کی جاتی ہیں۔ ادارہ صرف اہل خیر حضرات کے عطیات پر انحصار کرتا ہے۔ آپ کا ہر عطیہ درسِ نظامی اور ناظرہ وحفظ قرآن کے طلبہ کی علمی اور دینی تربیت کو بہتر بنانے میں معاون ثابت ہوگا اور آپ کا یہ تعاون صدقہ جاریہ کا ذریعہ بھی بنے گا۔
آپ کے عطیات شعبہ درسِ نظامی و شعبہ ناظرہ و حفظ قرآن کے تعلیمی منصوبوں، کتابوں کی فراہمی، اساتذہ کی تنخواہوں اور نئے طلبہ کے لیے ضروریاتِ زندگی کی تکمیل کے لیے استعمال ہوں گے۔ آپ زکوٰۃ، صدقہ جاریہ یا کسی اور خاص مد میں اپنی امداد فراہم کر سکتے ہیں۔ عطیہ کرنے کے لیے نیچے دیے گئے بٹن پر کلک کریں۔
آپ کا تعاون نہ صرف جامعہ کے طلبہ کی زندگیوں کو سنوارنے کا باعث بنے گا بلکہ آپ کے لیے دنیا و آخرت میں اجر و ثواب کا ذریعہ ہوگا۔ اللہ تعالیٰ آپ کی اس نیکی کو قبول فرمائے۔ جزاکم اللہ خیرا۔
