شیخ الحدیث حضرت مولانا نصیرالدین غورغشتویؒ ایک بلند پایہ عالم، محدث اور معلم تھے۔ آپ کا تعلق افغان کے کاکڑ قبیلے سے تھا اور آپ نے اپنی ابتدائی تعلیم اپنے بڑے بھائی سے حاصل کی۔ اعلیٰ تعلیم کے لیے آپ نے مختلف علمی مراکز کا سفر کیا اور  دورہ حدیث شیخ الحدیث حضرت مولانا قمر الدین صاحب چکڑالوی  ؒ سے کیا۔

شیخ الحدیث حضرت مولانا نصیرالدین صاحبؒ نے غورغشتی ضلع اٹک میں اپنی آبائی مسجد “مسجد کھجور والی” میں تدریس کا آغاز کیا اور علاقے میں علوم ِحدیث کی خدمت شروع کی۔ آپ نے اپنے علم و فضل کے ذریعے ہزاروں طلباء کو علم حدیث سکھایا اور پشتو زبان میں حدیث کی تدریس کا آغاز کیا، جو کہ اس وقت ایک نئی اور انقلابی روایت تھی۔