اغراض ومقاصد
جامعہ دارالعلوم نصیریہ غورغشتی کے اغراض و مقاصد درج ذیل ہیں ؛
قرآن وحدیث کی تعلیمات کومسلمانوں کی عملی زندگی میں لانے اوران کی مزیدترویج واشاعت کے لیے ہمہ وقت جدوجہدکرنا۔
جدیددورکے علمی تقاضوں کومدنظررکھتے ہوئے طلباء کوقرآن،حدیث،فقہ اورعقائدکی ایسی جامع،مکمل اورمحققانہ تعلیم دیناجس کے نتیجے میں عصری تقاضوں کوسمجھ کرمسلمانوں کی دینی رہنمائی کرنے والے صاحب بصیرت علماء پیداہوں۔
مروجہ علوم دینیہ کی تکمیل کے بعدہرسال فضلاء کی ایک جماعت منتخب کرکے انہیں تفسیر،حدیث،فقہ،قضاء،دعوت وارشاد اوردیگرعلوم میں تخصص کروانا۔نیزسیاسیات،اقتصادیات اورصحافت کے شعبوں میں کام کرنے والے فضلاء کوخصوصی تربیت دینا،تاکہ ان شعبوں کے ساتھ مختلف شعبہ ہائے زندگی میں فضلاء جامعہ دینی وملی خدمات انجام دے سکیں۔
بیرونی دنیاکے ساتھ رابطہ کی دونوں بڑی زبانوں عربی اورانگریزی کی تعلیم پرخصوصی توجہ دینا۔
فضلاء کوجدیدطرق تدریس اورمسائل تعلیم سے روشناس کرنا۔
پرنٹ والیکٹرانک میڈیاپراسلام کی صحیح ترجمانی کے لیے طلباء کی تحریری وتقریری صلاحیتوں کی آبیاری کرنا۔
نوجوان طبقے کودورجدیدکے فتنوں سے بچاکران کے ذہن میں صحیح اسلامی عقائدراسخ کرنے اوراسلامی اخلاق اورطرزمعاشرت عام کرنے کی سعی وکوشش کرنا۔
خواتین میں قرآن وحدیث کی تعلیمات کوعام کرنے اورہرگھرکی دینی وعلمی ضروریات پوری کرنے کے لیے صحیح الفکرعالمات وفاضلات تیارکرنا۔
اسلامی تہذیب وثقافت کی بقاء اورترویج کے لیے کوشش کرنا۔
جدیدفتنوں کے علمی تعاقب اورالحادوبے دینی کی فکری یلغارکوروکنے کے لیے تحقیق وریسرچ کے اداروں کے قیام کے ساتھ ساتھ بہترین رجال کارکی فراہمی۔